Журналистер одағы сыйлық тапсырды

Бүгін Алматыда Қазақстан журналистер одағы төрағасы Сейітқазы Матаев тілшілерді кәсіби мерекелерімен құттықтап, марапаттады.

Лауреат атанғандар арасында "Қазақстан", "Хабар" және "Алматы" телеарналарының, "Шалқар" радиосының, "Егемен Қазақстан", "Мегаполис", "Караван" газеттері мен аймақтық басылымдардың тілшілері бар.

Жазушы Герольд Бельгер, кинорежиссер Ермек Тұрсынов, Қайым-Мұнар Табеев те одақ сыйлығының лауреаты атанды.

Қазақстанның Ұлыбританиядағы елшісі және түрлі ұйымдардың басшылары да "баспасөзді қолдап, журналистермен түсіністік орнатқаны үшін" журналистер одағының дипломдарымен марапатталды.