Мемлекеттік дума веб-сайттардың "қара тізімін" бекітті

Ресейдің мемлекеттік думасы тыйым салынған веб-сайттардың тізімі туралы заң жобасын мақұлдады. Заң жобасы енді президенттің қол қоюына жіберіледі.

Кейбір сарапшылар "заң интернетке цензура қоюы мүмкін" деп алаңдайды. Ал билік "заң жобасы балалар порнографиясымен күресу үшін қабылданып отыр" дейді.

Заң жобасына қарсылық танытқан Wikipedia энциклопедиясының орысша парақшасы "орыс тіліндегі интернет ресурстарына сотсыз цензура қойылуы мүмкін" деп, осы аптада бір күнге жұмысын тоқтатты.