Accessibility links

Рысқалиев мұнайшы балалары туралы айтқанына түсінік берді


Бергей Рысқалиев, Атыру облысының әкімі.
Атырау облысының әкімі Бергей Рысқалиев бұған дейінгі өзінің «мұнайшылар балаларын балабақшалардан шығару» туралы пікіріне қатысты түсініктеме берді.

- Бүгінде аймақ балабақшамен 80 пайызға қамтамасыз етілген. Егер қалған 20 пайызға компаниялар балабақша салса, бізге бюджет ақшасын үнемдеуге мүмкіндік туады. Олар балабақшаларды салып, бізге өткізсін әрі жыл сайынғы оны қаржыландыруға ақша бөліп отырсын - бұған қарсылығымыз жоқ,- деді әкім.

Бұл турасында ол жұма күнгі облыстық мәслихат сессиясында есеп берген кезінде тоқталды.

Бергей Рысқалиев шілденің 18-і күні өткен кезекті қалалық мәслихат сессиясында мұнайшылардың өз балабақшаларын салып алуға шамасы әбден жететіні туралы айтқан. Оның ойынша, мұнайшылар дәрігерлер мен мұғалімдерден көп табыс табады.
  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

    Сәния Тойкен 2017 жылы журналист әйелдердің халықаралық қоры (IWMF) тағайындаған "Журналистикадағы батылдығы үшін" сыйлығын иеленді. Ол - бұл беделді сыйлықты алған алғашқы қазақстандық журналист.

XS
SM
MD
LG