22 – 25 қазан 2012 жыл
Өткен аптаның сурет баяны
1
27 қазанда Алматыға Қытайдан ұшып келген Лондон олимпиадасының чемпионы Зүлфия Чиншанло "Қытай азаматтығын алайын деп жатыр" деген өзіне байланысты ақпаратқа жауап бермеді.
2
Маусым айында Ақтөбеде арнайы жасақпен атыста жараланып, аман қалған Ғабит Құрманқұл 12 жылға сотталды. Ақтөбе, 25 қазан 2012 жыл.
3
«Өздерінің өкілеттілігін асыра пайдаланып, адамдарға қарсы оқ атқан құқық қорғау органдарының қызметкерлері де сотталды. Осындай оқиғаға арандатқандар да сотталды» деді Қазақстан президенті. Суретте: Жаңаөзен оқиғасына байланысты сотталған саясаткерлер Владимир Козлов (оң жақта) пен Серік Сапарғали сот залында. Ақтау, 16 тамыз 2012 жыл.
4
Қазақстан президенті Нұрсұлтан Назарбаев Австриядағы ресми сапары кезінде Жаңаөзен оқиғасы туралы пікірін айтты. Суретте: Қазақстан президенті Нұрсұлтан Назарбаев (сол жақта) пен Австрия президенті Хайнц Фишер (оң жақта) ресми кездесуде отыр. Вена, 22 қазан 2012 жыл.
5
Назарбаев журналистерге Жаңаөзен оқиғасын «бүкіл әлемде болып жататын жұмысшылар мен жұмыс берушілер арасындағы кәдімгі дау» деп түсіндірді. Суретте: Жаңаөзен оқиғасы күні көтеріліс алаңында қаза тапқан адам. Жаңаөзен, Маңғыстау облысы. Скриншот YouTube сайтынан алынды.
6
Маусымның 21-іне қараған түні Ақтөбеде қылмыс орнына барған полицей Темірбек Жақсылықбаев оққа ұшқаны хабарланған болатын. Суретте: Полициямен қарулы қақтығыс болған Краснощеков көшесіндегі 46-үй. Ақтөбе, 25 маусым 2012 жыл.
7
Полицейді өлтірді деген үш күдікті мен полиция арасындағы атыста күдіктілерден Ғабит Құрманқұл ғана аман қалған еді. Суретте: оққа ұшқан полицей Темірбек Жақсылықбаевтың жесірі Гүлфия Жақсылықбаева мен туысы Төлеубай Сарбаев сот үкімін тыңдап тұр. Ақтөбе, 25 қазан 2012 жыл.
8
Спортшының жеке бапкері Виктор Ни "мұның бәрі құр дақпырт" деді. Алматы, 27 қазан 2012 жыл.
9
Қазанның 23-і күні Қытайдың Хinhua ("Синьхуа") агенттігі Зүлфия Чиншанлоның Қытай азаматтығын алғаны туралы материал жариялаған болатын. Суретте: Қытайлық sohu.com веб сайтына шыққан Зүлфия Чиншанло туралы мақаланың скриншоты. 23 қазан 2012 жыл.
10
Қазақстанда жаңа технология саласында жастар жасап шығарған жобалар қатары көбейіп келеді. Суретте: Абайдың қара сөздері қосымшасы. Алматы, 20 қыркүйек 2012 жыл.
11
Қазіргі кезде қазақ жастары ойлап тапқан телефон қосымшаларының арасында iMakal, isozdik, қазақ ертегілерінің жинағы Kazakh Folk Tales, 100 қазақ әні, Абайдың қара сөздері және т.б. қосымшалар бар. Көрнекі сурет.
12
Студенттер жасаған қазақша клавиатура.
