Биыл өткен Лондон олимпиадасы, Паралимпиада және Еуро-2012 сынды спорт жарыстарының ең қызықты сәттері бейнеленген суреттер.
2012 жыл: Спорттағы қызықты сәттер
1
Швейцарияның Вейсонназ таулы курортында өткен сноубордттан әлем кубогының кезеңі. Бұл жарыста Линдсей Джекобеллис (АҚШ) жеңіске жеткен. 22 қаңтар 2012 жыл.
2
«Барселона» командасында ойнайтын аргентиналық ойыншы Месси биылғы жылы 88 гол соғып, неміс футболшысы Герд Мюллердің 40 жылдық рекордын жаңартты. Мюллер 1972 жылы 87 гол салған еді.
3
Сербялық теннисші Новак Джокович Австралия ашық чемпионатында испаниялық Рафаэль Надальды ұтқанына қуанып тұр. Мельбурн, 30 қаңтар 2012 жыл.
4
Испаниялық теннисші Рафаэль Надаль Франция ашық чемпионатында сербиялық Новак Джоковичті жеңіп, кубокты иеленген сәті. Биыл Надаль Франция ашық чемпионатын жетінші рет ұтып алды. Париж, 11 маусым 2012 жыл.
5
Ресейлік теннисші Мария Шарапова Франция ашық чемпионатының финалында италиялық Сара Эрраниді ұтты. Париж, 9 маусым 2012 жыл.
6
«Кушти» үнділердің ұлттық күресі қара жерде өтеді. Палуанның әдіс жасағандағы келбеті. Reuters агенттігінің суреті.
8
Португалия құрамасының футболшысы Криштиану Роналду Еуропа чемпионатында Чехия командасының ойыншысы Давид Либерскимен допқа таласып жатыр. Варшавада өткен Португалия-Чехия арасындағы матч 1:0 есебімен аяқталған еді. Жалғыз голдың авторы – Роналду. 21 маусым 2012 жыл.
9
Испания құрамасының ойыншысы Давид Сильваның биылғы Еуропа чемпионаты финалында Италия құрамасының қақпасына гол соғып жатқан сәті. Финалда Испания 4:0 есебімен жеңіске жетті. Биыл Испания құрамасы қатарынан үш рет халықаралық жарыстарды ұтып алған команда ретінде тарихқа енді. Киев, 1 шілде 2012 жыл.
10
Украиналық боксшы Владимир Кличко (оң жақта) мен Тони Томпсон арасындағы жекпе-жектен көрініс. Бұл кездесуде Кличко жеңіске жетіп, кәсіпқой бокстағы IBF, WBA, WBO тұжырымдары бойынша әлем чемпионы атағын сақтап қалды. 7 шілде 2012 жыл.
11
Қазақстандық велоспортшы Александр Винокуров Лондонда өткен олимпиада ойындарында топтық жарыста жеңіске жетіп, чемпион атанды. Лондон, 28 шілде 2012 жыл.
12
Лондон олимпиадасына қатысқан Франциялық жүзгіш Камеллия Муффат. Ол 200 метрге еркін әдіспен жүзу бойынша күміс жүлде алды. Лондон, 7 шілде 2012 жыл.
13
Лондон олимпиадасында өнер көрсетіп жатқан АҚШ гимнасшысы Александра Райссман. Райссман биылғы олимпиада ойындарында командаластарымен бірге чемпион атанды. Лондон, 2012 жыл.
14
Украиналық спортшылар Яна Дементьева, Анастасия Коженкова, Наталья Довгодко және Катерина Тарасенко ескек есуден олимпиада алтынын ұтып алғандарына қуанып жатыр. Лондон, 2012 жыл.
15
АҚШ спортшысы Майкл Фелпс 200 метрге жүзуден олимпиада финалында. Фелпс өзі қатысқан олимпиада ойындарында 22 медаль (оның 18-і алтын) жеңіп алған.
16
Оңтүстік Африка республикасының спортшысы Оскар Писториус Лондон олимпиадасына қатысқан сәті. Ол – олимпиада ойындарына қатысқан тұңғыш мүгедек спортшы. Олимпиада біткеннен кейін аяғы жоқ спортшы паралимпиадаға қатысып, ол жарыста үш медаль жеңіп алды. Лондон, 2012 жыл.
17
Ямайкалық Усэйн Болт 100 және 200 метрге жүгіру жарысында олимпиада чемпион атанды. Лондон. 2012 жыл.
18
Ресейлік Гулнара Галкина 3000 метрге кедергілер арқылы жүгіру бойынша Лондон олимпиадасының чемпионы атанды. Лондон. 2012 жыл.
19
Лондон олимпиадасына биіктікке секіруден қатысқан Өзбекстан спортшысы Светлана Радзивиль. Лондон. 2012 жыл.
20
Лондон олимпиадасындағы Армениялық таэквондошы Арман Эремян мен голландиялық Томми Моллеттің жекпе-жегі. Лондон. 2012 жыл.
21
Лондондағы паралимпиада ойындарындағы украиналық ұзындыққа секіруші Руслан Катышев. Лондон. 2012 жыл.
22
Ирандық зағип спортшы Хажар Тактаз Лондондағы паралимпиада ойындарында. Лондон. 2012 жыл.
23
Германиялық автошабандоз Себастян Феттельдің Сингапур гран-при жарысына қатысып жатқан сәті. Ол биылғы жылдың қорытындысы бойынша Формула-1 жарысынан әлем чемпионы атанды.
24
АҚШ велоспортшысы Лэнс Армстронг Колорадо штатының Аспен тауындағы маунтинбайк шарасына қатысты. Биыл АҚШ-тың антидопинг қауымдастығы Лэнс Армстронг допинг қолданды деген айып тағып, оның «Тур-де-Франс» веложарысындағы жеңістерінен (жеті рет жеңген) айырды. АҚШ, 2012 жыл.
25
Ауғандық боксшы Хамид Рахими мен танзаниялық Саид Мвелва арасындағы жекпе-жек. Бұл кездесуде Рахими жетінші раундта Мвелваны құлатып жеңіске жетті. Ол осы жеңістен кейін WBO тұжырымы бойынша құрлықаралық чемпион атанды. Кабул, 30 қазан 2012 жыл.
