Қызылордада жол апатынан бес адам қаза тапты

"Қызылорда облысында екі жеңіл көлік соқтығысып, бес адам қаза тапты" деп хабарлайды төтенше жағдайлар министрлігі.

Жол апаты бейсенбіде "Самара-Шымкент" тас жолының бойында, Сексеуіл станциясының тұсында болған. Соқтығысқан "ВАЗ" және "Мицубиси" көліктерінің екі жүргізушісі және "Мицубисидегі" үш жолаушы қайтыс болған.

Бейсенбіде Оңтүстік Қазақстан облысында "Алматы-Термез" тас жолының бойында "Хюндай" шағын автобусы мен "Сетра" қала аралық автобусы соқтығысып, үш адам қаза тауып, бес адам жараланған. Жараланғандардың барлығы - Өзбекстан азаматтары.