Мұхаммед пайғамбар туралы карикатура қайта басылды

Францияның сатиралық Charlie Hebdo журналы Мұхаммед пайғамбар туралы карикатураларды жариялады.

Журнал редакторы Стефан Шарбоньер "карикатуралар Мұхаммед пайғамбардың өмірбаяны туралы жазылған деректер негізінде ғана жасалғанын", сондықтан да карикатурада "арандатуға ұрындыратын ешнәрсе жоқ екенін" айтты.

Журнал өткен жылы да Мұхаммед пайғамбар туралы карикатуралар жариялаған соң "наразылықтар туындауы мүмкін" деген қауіппен бірқатар мұсылман елдерінде Франция елшіліктері мен мәдени орталықтары жабылған еді.