Назарбаев Обаманы Қазақстанға шақырды

Қазақстан президенті Нұрсұлтан Назарбаев АҚШ президенті Барак Обаманы Қазақстанға ресми сапармен келуге шақырды деп хабарлайды "Интерфакс-Қазақстан" агенттігі.

Обамаға Назарбаевтың шақыруын Қазақстанның таяуда тағайындалған АҚШ-тағы елшісі Қайрат Омаров жеткізген. Ол Вашингтонда 14 қаңтарда Барак Обамаға сенім грамотасын тапсырып, АҚШ басшысымен екі ел арасындағы қарым-қатынастар жайын талқылаған.