Accessibility links

Литва Беларусь офицеріне саяси баспана берді


Литва Беларусь әскери барлау қызметінің бұрынғы офицері Степан Захарчанкаға саяси баспана берді. Азаттықтың Беларусь қызметінің хабарлауынша, ол енді Литвада 5 жыл тұра алады.

Захарчанка 2011 жылы Литваға кетіп қалып, өміріне қауіп төніп тұр деп сол елден саяси баспана сұраған.

Бұрынғы офицер Беларусьте өзін бұйрық берілген жағдайда қарусыз демонстранттарға оқ ату туралы келісімге қол қоймай қойғаны үшін азаптады деген еді. Бірақ Беларусь қорғаныс министрлігі оның уәжін жоққа шығарған.

Захарчанка Литва үкіметіне саяси баспана бергені үшін алғысын білдіріп отыр.
XS
SM
MD
LG