Accessibility links

Зейнет реформасына наразылар президентке хат жолдады


Атыраулық белсенділер (солдан оңға қарай) Серік Өтепқалиев, Минал Кенжеков, Берікқали Сапақов поштада президентке хат жолдап тұр. Атырау, 16 май 2013 жыл
Атыраулық белсенділер (солдан оңға қарай) Серік Өтепқалиев, Минал Кенжеков, Берікқали Сапақов поштада президентке хат жолдап тұр. Атырау, 16 май 2013 жыл
16 мамыр күні бір топ атыраулық белсенді әйелдердің зейнеткерлік жасын ұзарту қарастырылған заң жобасына қатысты наразылық танытып, Қазақстан президенті Нұрсұлтан Назарбаевқа хат жолдады. Хатта коммуналдық тарифтердің өсуі мен жүктілікке қатысты төлемдердің қысқаруына да байланысты алаңдаушылық жазылған.

Атыраудағы "ҚазПоштаның" орталық бөлімшесіне келген қоғамдық белсенділердің бірі Серік Өтепқалиев Азаттық тілшісіне:

- 1 200 адам қол қойды, қол қою әлі жалғасып жатыр, - деп мәлімдеді Серік Өтепқалиев.

Президент Назарбаевтың атына жолданған хатқа қол қоюға келгендердің бірі 29 жастағы Берікқали Сапақов Азаттыққа:

- Әйелдердің жасын ұзартуға қарсымын. Себебі менің анам 60-қа жетпей көз жұмды. Атыраудағы экологиямен әйелдердің 63 жасқа дейін өмір сүре алатына күмәндімін, - деді.

"Қазақстан республикасындағы зейнетақымен қамсыздандыру туралы" заң жобасын 16 мамыр күні сенат мақұлдаған еді. Заң жобасында біртұтас жинақтаушы зейнетақы жүйесін құру, әйелдердің зейнетке шығу жасын біртіндеп 63 жасқа дейін ұлғайту қарастырылған.
XS
SM
MD
LG