Ауғанстанда үш балалы ананы күйеуі өлтірді

25 жастағы үш баланың анасын Құндыз провинциясында күйеуі өлтіріп тастады.

Құндыз аймағының әйелдер ісі бөлімінің басшысы Надира Гайя "аймақта күйеулерінің қолынан өлген бірнеше әйелдердің бар екенін" айтты. Ол "Жыл басынан бері күйеуінің немесе жақын туысының қолынан 12 әйел қаза тапты" деп мәлімдеді.

Ол соңғы оқиғадан қаза тапқан әйелдің аты-жөнін атамады. Белсенділер "отбасындағы зорлық-зомбылықтан өлетін әйелдердің саны бұдан әлдеқайда көп екенін" айтады. Өйткені, Құндыз аймағының кейбір аудандарын әлі де "Талибан" бақылап отыр.