Құрлықтағы әскер қолбасшысы АҚШ атташесімен кездесті

Бүгін Астанада Қазақстан қарулы күштерінің құрлықтағы әскерінің бас қолбасшысы, генерал-лейтенант Мұрат Майкеев АҚШ-тың Қазақстандағы әскери атташесі полковник Эндрю Берриермен кездесті.

Қорғаныс министрлігінің хабарлауынша, екі елдің өкілдері Қазақстан мен АҚШ-тың құрлықтағы әскерінің әскери-техникалық ынтымақтастық және әскери білім саласындағы байланыстарын ары қарай да дамыта беруді талқылаған.

Мұрат Майкеев пен Эндрю Берриер бұған қоса Орталық Азия аймағында қауіпсіздікті сақтау мәселелерін де қарастырған.