Өзбек делегациясының басшысы Акмал Саидов БҰҰ-ның азаптауға қарсы комитетінде Өзбекстандағы азаптауды тоқтату шаралары қарастырылып жатқан жиынды ортасынан үзді.
Женевада өтіп жатқан жиында азаптауға қарсы комитет өкілдері Өзбекстандағы азаптау, азаматтарды мәжбүрлі түрде жұмысқа тартудың жиілеуі мен азаматтық қоғам шарттарының орындалмай отырғанына алаңдаушылық білдірген. Комитет әсіресе мақта алқаптарында балалар еңбегі пайдаланылатынын мысалға келтірген.
Жиын үстінде Өзбекстанның Адам құқықтары жөніндегі ұлттық орталығының директоры және өзбек делегациясының басшысы Акмал Саидов бұған наразылығын білдіріп айқайлап, үстелді жұдырығымен қойып қалды.
Акмал Саидов БҰҰ азаптауға қарсы комитетін "саяси сыңаржақ ұстанымда" деп айыптап, "Өзбекстандағы адам құқықтарына қатысты берген баға үкімет ұсынған деректерге емес, үкіметтік емес ұйымдардың біржақты мәліметтеріне негізделген" деп мәлімдеді.
БҰҰ-ның азаптауға қарсы комитеті төрағасының орынбасары, Өзбекстандағы жағдайды бақылаумен айналысатын Фелис Гаер "ұйым тұжырымын нақты фактілерге сүйеніп жасайды" дейді.
Женевада өтіп жатқан жиында азаптауға қарсы комитет өкілдері Өзбекстандағы азаптау, азаматтарды мәжбүрлі түрде жұмысқа тартудың жиілеуі мен азаматтық қоғам шарттарының орындалмай отырғанына алаңдаушылық білдірген. Комитет әсіресе мақта алқаптарында балалар еңбегі пайдаланылатынын мысалға келтірген.
Жиын үстінде Өзбекстанның Адам құқықтары жөніндегі ұлттық орталығының директоры және өзбек делегациясының басшысы Акмал Саидов бұған наразылығын білдіріп айқайлап, үстелді жұдырығымен қойып қалды.
Акмал Саидов БҰҰ азаптауға қарсы комитетін "саяси сыңаржақ ұстанымда" деп айыптап, "Өзбекстандағы адам құқықтарына қатысты берген баға үкімет ұсынған деректерге емес, үкіметтік емес ұйымдардың біржақты мәліметтеріне негізделген" деп мәлімдеді.
БҰҰ-ның азаптауға қарсы комитеті төрағасының орынбасары, Өзбекстандағы жағдайды бақылаумен айналысатын Фелис Гаер "ұйым тұжырымын нақты фактілерге сүйеніп жасайды" дейді.
