Accessibility links

АҚШ ғарышқа 29 спутник ұшырды


Уоллопс ғарыш айлағынан зымыран ұшыруы сәті. Вирджиния штаты, АҚШ, 6 қыркүйек 2013 жыл. Көрнекі сурет.
Уоллопс ғарыш айлағынан зымыран ұшыруы сәті. Вирджиния штаты, АҚШ, 6 қыркүйек 2013 жыл. Көрнекі сурет.
АҚШ 20 қарашаға қараған түні ғарышқа бортына 29 спутник тиеген зымыран ұшырды. Вирджиния штатындағы Уоллопс ғарыш айлағынан ұшырылған бұл зымыран "Минотавр-1" деп аталады. Зымыраннан шыққан от жалыны түнгі аспанда АҚШ-тың шығысындағы жағалауларынан бастап солтүстікте Канадамен шекара маңына, оңтүстікте Флорида штатына дейінгі кеңістікте байқалған.

Ғарышқа ұшырылған спутниктердің ең үлкені - STPSat-3 спутнигі.Өзге наноспутниктер әскери мақсатта ұшырылған. Тағы бір спутникті Вирджиния штатындағы орта мектептің оқушылары құрастырған. Мектеп оқушылары мен басқа да қызығушылық танытқандар бұл спутникпен байланыс орнатып, ғарыштан келген ақпаратты ала алады.

"Минотавр-1" зымыранын Orbital Sciences Corp жекеменшік компаниясы жасап шығарған. "Минотавр-1" болашақта осындай зымырандарды коммерциялық мақсатта пайдалануға сынақ ретінде ұшырылып отыр.
XS
SM
MD
LG