Accessibility links

Бейруттегі терактіні "Әл-Қаида" жақтастары жасаған


Бейрутта жарылған көліктің қаңқасы. 3 қаңтар 2014 жыл.
Бейрутта жарылған көліктің қаңқасы. 3 қаңтар 2014 жыл.
Ливан астанасында осы апта болған жарылысты "Әл-Қаидамен" байланысы бар топ мойнына алды. Бейсенбі күні Ливанда жарылғыш зат толтырылған көлікті жанкешті жарып жіберген еді.

«Ирак пен Левант ислам мемлекеті» ұйымы сенбі күні сүннит экстремистерінің интернет-сайттарының бірі арқылы жарылысты өздері жасағандарын мәлімдеді.

Бейрут қаласының оңтүстік бөлігінде болған жарылыстан бес адам қаза тапқан. Теракт болған аудан - шииттердің "Хезболлах" тобы шоғырланған жер.

Ішкі қақтығыстар ушығып тұрған көршілес Сирияда "Хезболлах" жауынгерлері үкімет жағында соғысып жүр. Оларға қарсы көпшілігі сүнниттерден құрылған топтар күресіп жатыр.
XS
SM
MD
LG