Бүгін Алматы облысының іргесіндегі, Іле ауданына қарасты Жомарт ауылының 50-ге тарта тұрғыны электр бағасына қатысты наразылық білдірді.
Олар бұған дейін өздері тұтынып келе жатқан электр қуатының әр киловаты үшін ауыл кооперативі өкілдеріне 21 теңгеден төлеп келген айтады. Бірақ өткен аптада теңге күрт құнсызданғаннан кейін электр қуатының бағасы өсіп, бір киловаты енді 24 теңге болып белгіленген. Бұған қарсылық білдірген тұрғындар ауыл әкімі мен кооператив өкілдерін шақыртқан.
Тұрғындардың Азаттық тілшісіне айтуынша, олар аудандық электр қуатын тарату орталығынан бұған дейін тұрғындар үшін электр қуатының әр киловатының бағасы 17 теңгеден болғанын енді ғана естіп білген.
"Кооператив өкілдері бізден 17 теңгенің орнына 21 теңгеден, яғни төрт теңгеден артық алып отырған" дейді тұрғындар.
Сонымен бірге электр тарату орталығындағылар тұрғындарға электр қуаты бағасының өспегенін, бұрынғыдай 17 теңге күйінде қалғанын айтқан.
Жомарт ауылы тұрғындарының бүгінгі жиынына әкімдіктен де, кооператив өкілдерінен де ешкім келмеді.
Олар бұған дейін өздері тұтынып келе жатқан электр қуатының әр киловаты үшін ауыл кооперативі өкілдеріне 21 теңгеден төлеп келген айтады. Бірақ өткен аптада теңге күрт құнсызданғаннан кейін электр қуатының бағасы өсіп, бір киловаты енді 24 теңге болып белгіленген. Бұған қарсылық білдірген тұрғындар ауыл әкімі мен кооператив өкілдерін шақыртқан.
Тұрғындардың Азаттық тілшісіне айтуынша, олар аудандық электр қуатын тарату орталығынан бұған дейін тұрғындар үшін электр қуатының әр киловатының бағасы 17 теңгеден болғанын енді ғана естіп білген.
"Кооператив өкілдері бізден 17 теңгенің орнына 21 теңгеден, яғни төрт теңгеден артық алып отырған" дейді тұрғындар.
Сонымен бірге электр тарату орталығындағылар тұрғындарға электр қуаты бағасының өспегенін, бұрынғыдай 17 теңге күйінде қалғанын айтқан.
Жомарт ауылы тұрғындарының бүгінгі жиынына әкімдіктен де, кооператив өкілдерінен де ешкім келмеді.