Accessibility links

Ресейде жеке интернет жүйесін құруды ұсынды


Көрнекі сурет.
Көрнекі сурет.
Ресей федерация кеңесінің Липецк облысынан сайланған депутаты Максим Кавджарадзе Ресейдің АҚШ және Еуропа Одағының қолданушылары кіре алмайтын өз ішкі интернет жүйесін құрып, оны "Чебурашка" деп атауды ұсынды.

Парламентте блогтарды ақпарат құралдарымен теңестіретін заң жобасын талқылау кезінде сөйлеген депутат: "АҚШ-тың қол астынан шығу үшін Ресей өз жеке интернет жүйесін құруды ойластыруы керек. Олай болмаған жағдайда ақпарат ұрлана береді" деп мәлімдеген.

Кавджарадзе Ресей өз интернет желісін Ұжымдық қауіпсіздік шарты ұйымына мүше мемлекеттермен және Шығыс Азия елдерімен бірлесе құруына болатынын айтады.

Заң жобасы талқылауда мақұлданып кетті.

Қазір әлемде Солтүстік Кореяның өз интернет жүйесі бар. Иран да жеке интернет желісін құрумен айналысып жатыр.
XS
SM
MD
LG