Accessibility links

АҚШ: Қытайдың территорияға таласуы қатерлі


АҚШ қорғаныс министрі Чак Хейгел.
АҚШ қорғаныс министрі Чак Хейгел.
АҚШ қорғаныс министрі Чак Хейгел "Қытайдың Оңтүстік Қытай теңізіндегі территорияларға таласуы аймақтағы жағдайды шиеленістіреді, халықаралық тәртіпке қатер төндіреді" деп мәлімдеді.

31 мамыр күні Сингапурдағы қауіпсіздік жөніндегі халықаралық конференцияда сөйлеген Хейгел "АҚШ-тың бұл қауіптен жалтармайтынын", ал Қытайдың "үркітіп-қорқыту" және "біржақты әрекет ету" тәсілдерін қолданып отырғанын айтты. Оның ойынша, Қытайдың мұнысы навигацияға кедергі келтіреді әрі халықаралық нормаларды бұзады.

Хейгел Қытайды "кибертыңшылық жасап отыр" деп те айыптады. Екі апта бұрын АҚШ "бес Қытай офицерінің коммерциялық құпияларды білу үшін америкалық компаниялардың сайттарына бұзып кіргенін" хабарлаған еді.

Хейгел "Пекиннің Солтүстік Кореяның ядролық және баллистикалық зымырандар бағдарламасын қысқарту мәселелері бойынша Вашингтонмен ынтымақтаса жұмыс істеуі тиіс екенін" ескертті. Оның айтуынша, бұл ядролық бағдарламалар да аймақтағы жағдайды шиеленістіреді әрі Қытай мүддесіне қауіп төндіреді.
XS
SM
MD
LG