Қазақстан мен АҚШ энергетика саласында ынтымақтастықты арттыруға келісті деп хабарлайды Қазақстан сыртқы істер министрлігінің баспасөз қызметі. Уағдаластыққа АҚШ энергетика министрінің орынбасары Дэниель Понеманның Қазақстанға сапары барысында қол жеткізілген.
Сапары кезінде Дэниель Понеман Қазақстан премьер-министрі Кәрім Мәсімовпен, вице-премьер - индустрия және жаңа технологиялар министрі Әсет Исекешевпен, сыртқы істер министрі Ерлан Ыдырысовпен, мұнай және газ министрі Ұзақбай Қарабалинмен, "ҚазМұнайГаз" компаниясының басқарма төрағасы Сауат Мыңбаевпен кездескен.
Келісімде нақты қандай мәселелер талқыланғаны және неге келісілгені нақты хабарланбаған.
