Бүгін Үндістанның оңтүстігіндегі Ченнаи қаласында жаңадан салынып жатқан 11 қабатты ғимарат құрылысы құлады.
Келіп түскен ақпаратта апат салдарынан тоғыз адам қаза тауып, тағы 25 адамның қиранды астында қалып қойғаны айтылады. Зардап шеккендердің басым көпшілігі – құрылысшылар. Куәгерлердің айтуынша, ғимарат құлаған сәтте қатты жауыннан құрылысты қалқалап тұрған өзге адамдар да болған.
Қазіргі уақытта апат болған жердегі құтқару жұмыстары барысында 27 адамның құтқарылғаны хабарланды.
Ғимарат құрылысына жауапты екі адам – құрылыс компаниясының иесі мен оның ұлы қамауға алынған.
