Accessibility links

Қазақстан мен ЕО жаңа келісім жасаспақ


Еуропа Одағының туы. (Көрнекі сурет).
Еуропа Одағының туы. (Көрнекі сурет).

3 шілде күні Қазақстан сыртқы істер министрлігі "Қазақстан мен Еуропа Одағы (ЕО) 1995 жылы қол қойылған әріптестік және ынтымақтастық туралы келісімді жаңартып, оны кеңейтетін жаңа келісімге тезірек қол қоюға мүдделі" деп хабарлады.

Министрліктің баспасөз қызметі таратқан ақпарат бойынша, "30 маусым мен 1 шілде аралығында Брюссельде Қазақстан мен ЕО әріптестігі мен ынтымақтастығын кеңейту туралы жаңа келісімге қатысты келіссөздердің жетінші кезеңі өткен".

Хабарламада "Брюссельде Қазақстанға қалыптасып үлгерген аймақтық держава ретінде стратегиялық қызығушылық артып бара жатқаны, Қазақстанның ЕО екінші рет келісім жасау үшін келіссөз жүргізіп жатқан Орталық Азиядаға жалғыз мемлекет екені де айтылды" деп жазылған.

Жаңа келісімде қауіпсіздік және құқық саласындағы ынтымақтастықты тереңдету, өзара сауда және инвестициялық, экономикалық және гуманитарлық байланыстарды дамыту қарастырылған.

"Қарқынды және күрделі келіссөздер нәтижесінде тараптар келісімнің басты бөлігіне қатысты уағдаластық жасасты" дейді министрлік.

Қазақстан мен Еуропа Одағы келіссөздердің соңғы кезеңін қыркүйекте Астанада өткізуді жоспарлап отыр.

XS
SM
MD
LG