Accessibility links

Израиль ХАМАС нысандарына шабуыл бастады


Газа секторындағы Израиль әуе күштері жасаған соққылардан кейінгі көрініс. 8 шілде 2014 жыл.
Газа секторындағы Израиль әуе күштері жасаған соққылардан кейінгі көрініс. 8 шілде 2014 жыл.

Израиль қарулы күштері Газа секторындағы ХАМАС ұйымының жасақтарына қарсы "Қорғаныс шебі" операциясының басталғанын хабарлады.

Израильдің өзін-өзі қорғау күштерінің өкілі, подполковник Питер Лернердің хабарлауынша, операция барысында ХАМАС-тың Изарильге шабуыл жасауда қолданылған нысандарына соққы беріліп жатыр.

Бұған дейін Израильдің өзін-өзі қорғау күштері Газа секторында жағдайдың шиеленісуіне байланысты резервтегі мың жарымға жуық адамның әскерге шақырылатынын хабарлаған. Израильдік және халықаралық агенттіктердің хабарлауынша, операция 8 шілдеге қараған түні басталған.

7 шілдеде Газа секторынан Израиль территориясына қарай ондаған зымыран атылған. Зымырандардың біразын зымыранға қарсы әуе қорғанысы жүйесі атып түсірген, кейбірі елді-мекендерге түскен.

Газа секторындағы жағдай соңғы күндері палестиналық жеткіншектің өлімінен кейін шиеленісе түскен. Мұның алдында 12 маусымда Иордан өзенінің батыс жағалауында ұрланған израильдік үш жасөспірімнің өлі денелері табылған.

XS
SM
MD
LG