19 шілде күні жергілікті уақыт бойынша 18 сағат 16 минутта Алматыдан 434 километр жерде 4,3 магнитудалы жер сілкінісі тіркелген. Бұл туралы Қазақстан ғылым және білім министрлігінің «Сейсмологиялық тәжірибелік-әдістемелік орталығы» мемлекеттік мекемесіне сілтеме жасап қазақстандық агенттіктер хабарлады.
Ақпаратта жер сілкінісінің эпицентрі Алматыдан оңтүстік-шығысқа қарай 434 километр жерде, Қытай елінің аумағында орналасқаны айтылған. Зардап шеккендер мен зиян келгені туралы хабар түспеген.
Бұның алдында, 19 шілде күні сағат 13.17 шамасында Алматыдан оңтүстік-батысқа қарай 847 километр жерде – Ауғанстан мемлекетінің аумағында жер сілкінісі болғаны жайлы хабарланған еді.
