Қазақстан теннисшісі Зарина Дияс бүгін Жапония ашық чемпионатының финалында австралиялық Саманта Стосурден жеңіліп қалды – 6:7, 3:6.
Саманта Стосур әлемдік теннис рейтингінде 18-орында тұр.
Қазір осы тізімде 37-ші болып тұрған 20 жастағы Зарина Диястың бұл WTA (Халықаралық әйелдер теннисі қауымдастығы) турнирлеріндегі алғашқы финалы. Ол бұған дейін ITF (Халықаралық теннис федерациясы) турнирлерінің финалында ойнаған еді.