19 қазан күні жол жүрісі туралы жаңа заң күшіне енді.
Енді полиция тоқтатқан жүргізуші көлігінен өз еркімен шыға алмайды. Тыйым салынған жерге көлігін қойған азаматтарға да айыппұл белгіленіп, түрлі айыппұлдарды төлеу тәртібіне бірқатар өзгерістер енгізілген. 65 жастан асқан және мүгедек жүргізушілердің медициналық тексеруден өту реті де өзгертілді. Мас күйінде көлік жүргізген азаматтарға жаза қатайтылған.
Қазақстан әкімшілік кодексіне енгізілген жол ережесін бұзған жүргізушілерге жазаны қатайту мақсатындағы өзгерістер 30 сәуірде күшіне енген еді.
