"Қазгидромет" мекемесі қазанның 29-ы мен 30-ы күндері Қазақстанның бес облысында күшті жел тұрып, көктайғақ болады деп ескертті.
"Қазгидрометтің" болжамы бойынша, қазанның 29-ында Қостанай және Солтүстік Қазақстан облысында, қазанның 30-ы түнде Ақмола, Павлодар және Қарағанды облыстарында көктайғақ болып, бұрқасын тұрады, екпіндете соққан желдің жылдамдығы секундына 27 метрге дейін, Ақмола мен Павлодар облыстарының кей жерлерінде - 30 метрге дейін жетеді.
