Кәсіпқой бокстан әлем чемпионы қазақстандық Геннадий Головкин Назарбаев университетінде жанкүйерлерімен кездесті. Астана, 22 қараша 2014 жыл.
Кәсіпқой бокстан орта салмақ дәрежесіндегі әлем чемпионы қазақстандық Геннадий Головкин өзінің бір жекпе жегін Қазақстан астанасында өткізгісі келетінін айтты. Бұл тілегін ол бүгін Астанада баспасөз мәслихатында жеткізді деп хабарлайды Азаттық тілшісі.
«Астанада бокс жекпе жегін өткізсем деген үлкен тілегім бар, ол жоспарымды Астана әкімімен кездескенімде айттым, дәл қай кезде екенін айта алмаймын, бірақ ондай жекпе жек өткізуге болады» деген ол.
Астанадағы Назарбаев университетте өткен кездесуде танымал боксшы өзі көптен күткен қазақстандық жанкүйерлерімен жүздесуге қуанышты екенін айтып, спорттағы жетістіктері, алдағы жоспарлары, жеке өмірі мен отбасы туралы сұрақтарға жауап берген.
Геннадий Головкин 2006 жылы кәсіпқой боксқа ауысқалы бері 31 кездесу өткізіп, барлығында жеңіске жеткен, 28 кездесуді уақытынан бұрын аяқтаған. Биыл Головкин үш рет рингке шығып, барлығында бәсекелесін нокаутпен жеңген.
Геннадий Головкинмен Астанадағы кездесуден фотогалерея
Головкинмен кездесу
1/10Кәсіпқой бокстан орта салмақ дәрежесіндегі әлем чемпионы қазақстандық Геннадий Головкин Астанада баспасөз мәслихатында алдағы уақытта өзінің бір жекпе жегін Қазақстан астанасында өткізгісі келетінін айтты. «Астанада бокс жекпе жегін өткізсем деген үлкен тілегім бар, ол жоспарымды Астана әкімімен кездескенімде айттым, дәл қай кезде екенін айта алмаймын, бірақ ондай жекпе жек өткізуге болады» деді ол.
Сайт бұғатталып тұрса да, материалды осы сілтемемен кіріп оқуға болады
Түгел оқыңызҚысқарту
2/10Қазіргі таңда әлемдегі ең мықты нокаутқа түсіргіш боксшылардың үштігіне енген Геннадий Головкин өзі көптен күткен жерлестерімен бүгінгі кездесуге қуанышты екенін жеткізді.
Сайт бұғатталып тұрса да, материалды осы сілтемемен кіріп оқуға болады
Түгел оқыңызҚысқарту
3/10«Мені аңыз жасаудың қажеті жоқ. Кәсіпқой бокстағы жолымды мен жаңадан бастадым» дейді орта салмақ дәрежесінде әлем чемпионы атанған қазақстандық боксшы Геннадий Головкин.
Сайт бұғатталып тұрса да, материалды осы сілтемемен кіріп оқуға болады
Түгел оқыңызҚысқарту
4/10Астанадағы кездесуде Головкинге кәсіпқой бокста сынға түсіп жүрген қазақстандық тағы бір спортшы Қанат Исламмен жекпе жек өткізу туралы сұрақ қойылды. «Қанат Исламмен кәсіпқой жекпе жек ұйымдастырудің әзірше қисыны жоқ. Салмағымыз да, рейтингтегі жағдайымыз да әр түрлі. Бұл әңгімені Қанаттың айтқанына күдігім бар. Мен оны және бапкерін жақсы танимын. Жеке басын құрметтеймін» деді Головкин.
Сайт бұғатталып тұрса да, материалды осы сілтемемен кіріп оқуға болады
Түгел оқыңызҚысқарту
5/10Чемпион отбасы туралы сауалдарға да жауап берді. «Ұлымның қазіргі өсіп жатқан жағдайына қарасам, ол өскенде боксшы болғысы келмейтін сияқты. Өзім де оның боксшы болғанын қаламас едім. Боксты өмірлік ұстанымың етуіңе өскен орта итермелейді» дейді Геннадий Головкин.
Сайт бұғатталып тұрса да, материалды осы сілтемемен кіріп оқуға болады
Түгел оқыңызҚысқарту
6/10Головкин шенеунік болу өз жоспарында жоқ екенін айтты. «Осыған дейін маған шенеуніктік қызмет ұсынған емес. Басшылық салаға ауысып кеткен спортшылар жеткілікті. Ол – әркімнің өз таңдауы. Ал, өз басым болашақта шенеунік болуды ойлаған емеспін» деді ол.
