Молдовада ресейшіл «Родина» партиясы парламент сайлауынан шеттетілді. Орталық сайлау комиссиясы партияның «шетелден қаржыландырылатыны» туралы мәлімдеді.
«Родина» партиясының иесі – Молдовадан шыққан ресейлік бизнесмен Ренато Усатый. Осы аптада апелляциялық сот Орталық сайлау комиссиясының партияны сайлаудан шеттеткеніне қатысты шешім шығармақ. Молдовада парламент сайлауы қарашаның 30-ында өтеді.
Украинамен шектес Молдова Еуропа Одағы (ЕО) мен Ресейдің стратегиялық мүддесі бар аймағында орналасқан. Маусым айында Кишинев ЕО-мен ассоциация туралы келісімге қол қойған.
Бірақ Мәскеу ЕО мен бұрынғы совет республикалары арасында мұндай келісім жасалғанын қолдамайды. Кремль мұндай келісімдер Ресейдің экономикалық мүдделеріне нұқсан келтіруі мүмкін дейді.