Қазақстан президенті Нұрсұлтан Назарбаев бүгін ресми сапармен Түркіменстан астанасы Ашғабадқа барады. Сапар барысында Назарбаев осы ел президенті Гурбангулы Бердімұхамедовпен кездеседі.
Түркіменстан президенті баспасөз қызметінің хабарлауынша, келіссөздер барысында "екі жақты қарым-қатынас мәселелері, сауда-экономикалық және мәдени-гуманитарлық салалардағы өзара ынтымақтастықты арттыру келешегі" талқыланбақ. Бұған қоса "халықаралық саясаттың екі елге өзара ортақ қызығушылық тудыратын тұстары" да сөз болмақ.
Қазақстан президенті баспасөз қызметінің хабарына қарағанда, желтоқсанның 3-інде Назарбаев Қазақстан, Түркіменстан және Иран арқылы өтетін Өзен-Берекет-Горган теміржол желісінің ашылуына қатысады.