Қазақстан президенті Нұрсұлтан Назарбаев жұмыс сапарымен Оңтүстік Қазақстан облысына барды деп хабарлады Ақорданың баспасөз қызметі. "Бірқатар нысандарға кіріп, облыстағы қоғам өкілдерімен кездесу өткізетін" президент Назарбаевтың бұл сапары жайлы өзге егжей-тегжейлі ақпарат берілмеген.
Президент Назарбаев Оңтүстік Қазақстан облысына Түркіменстанға жасаған сапарынан кейін барды. Кеше, желтоқсанның 3-і күні Қазақстан, Түркіменстан және Иран президенттері Өзен-Горган теміржол желісін іске қосқан. Жаңа жол Қазақстан, Қытай, Ресей және Беларусьті Иранның теңіз порттарына жалғайды.
