Оңтүстік Қазақстан облысында бүгін бірнеше мәдени орындар мен нысандар ашылды деп хабарлайды Азаттық тілшісі.
Оңтүстік Қазақстанға жұмыс сапарымен келген Қазақстан президенті Нұрсұлтан Назарбаев «Түркістан» салтанат сарайы, облыстық драма театры, бес жұлдызды «Rixos» қонақүйі, тарихи-мәдени аймақ пен облыстық тарихи-өлкетану мұражайы, әдеп-ғұрып және салт-дәстүр орталығының ашылуына қатысқан.
Президент Назарбаевтың сапар барысында "өңірдің зиялы қауым өкілдері мен этномәдени орталықтардың төрағаларымен кездескені" де айтылды.
