Accessibility links

Минскіде Украина келіссөзі жалғасады


Украина келіссөздеріне қатысушы ЕҚЫҰ өкілі Хейди Тальявини.
Украина келіссөздеріне қатысушы ЕҚЫҰ өкілі Хейди Тальявини.

Бүгін Минскіде Украина шығысындағы дағдарысты реттеу жөніндегі Украина, Ресей және Еуропадағы қауіпсіздік және ынтымақтастық ұйымы (ЕҚЫҰ) өкілдері қатысатын келіссөздің жаңа кезеңі басталады. Келіссөз желтоқсанның 26-сына дейін жалғасады.

Желтоқсанның 23-інде Киевте Украина және Сербия сыртқы істер министрлерінің кездесуіне қатысқан ЕҚЫҰ өкілі Хайди Тальявинидің айтуынша, келіссөздерде қақтығысушы тараптардың атысты тоқтатып, ауыр қару-жарақтарын әкетуі және тұтқын алмасуы, сепаратистердің бақылауындағы территорияларға гуманитарлық жүк жеткізу мәселелері талқыланбақ.

УНН агенттігінің "Новороссия" жобасы баспасөз қызметіне сілтеме жасап хабарлауынша, өзін-өзі жариялап алған "Донецк халық республикасының" өкілдері желтоқсанның 23-і күні Минскіге кеткен.

Бұған дейін Минскіге өзін-өзі жариялаған "Луганск халық республикасының" уәкілетті өкілі Владислав Дейнего да шығып кеткені хабарланған.

Әзірге "Донецк халық республикасы" пен "Луганск халық республикасы" өкілдерінің келіссөздерге ресми трде шақырылғаны туралы нақтыланған ақпарат жоқ.

XS
SM
MD
LG