Ақпанның 11-і күні Қазақстан президенті Нұрсұлтан Назарбаевтың қатысуымен үкіметтің кеңейтілген отырысы өтеді.
Ақорданың баспасөз қызметінің хабарлауынша, жиында қазіргі экономикалық ахуал мен оның ары қарайғы дамуына қатысты шаралар талқыланбақ. Бұған қоса жиында Назарбаевтың өткен жылдың қарашасында жариялаған "Нұрлы жол" экономикалық саясатын іске асыру тетіктері де қарастырылады.
"Нұрлы жол" саясаты бойынша ұлттық қордан бірқатар экономикалық жобаларға қаржы аудару жайы қарастырылып отыр.
