Пәкістан Пешавардағы терактіге қатысы бар деген күдікпен 12 Талибан мүшесін тұтқындады.
12 ақпанда Пәкістан әскерінің генералы Асим Салеем Важуа күдіктілердің алтауы Ауғанстанда, қалғаны Пәкістанда ұсталғанын айтып, күдіктілерді ұстауға көмектескен Ауғанстанға алғысын білдірді.
Пәкістан үкіметінің мәліметінше, тұтқындалғандардың бірі МаулАви Абд ус-Салам Пешавардағы мешітте имам болған және мемлекеттен еңбекақы алып отырған.
2014 жылы 16 желтоқсанда Пешавардағы мектепте теракт болып, 151 адам мерт болған. Қаза тапқандардың көбі - оқушылар. Осы оқиғадан кейін Пәкістан терроризммен күрес шараларын күшейтіп, терактіге қатысы бар деген күдікпен он мыңнан астам адамды тұтқындады.
