Accessibility links

Маңғыстауда екпеден соң 60-тай адам ауруханаға түскен


Көрнекі сурет.

Маңғыстау облысында қызылшаға қарсы екпеден кейін Жаңаөзенде - 53, Бейнеуде 6 оқушы ауруханаға түсті деп хабарлады облыстық денсаулық сақтау басқармасы бастығының орынбасары Алмабек Бисенов.

Балалардың бәрі басы ауырып не айналып, жүрегі айнығандарын айтып шағымданған. Олардың бірі реанимация бөлімінде жатыр.

Маңғыстау облыстық денсаулық сақтау басқармасының бастығы Руслан Бектібаев ол өңірдегі жасөспірімдерге салынған "үндістандық вакцина тексеріліп жатқанын, 24 ақпанда аймаққа денсаулық сақтау министрлігінен арнайы мамандар келетінін" мәлімдеді.

Маңғыстау облысы бойынша осы уақытқа дейін 15-19 жас аралығындағы 12727 жасөспірімге қызылша екпесі салынған.

Ақпан айының басында облыс дәрігерлері 15-19 жас аралығындағы тұрғындар арасында қызылшамен ауыру көбейген соң оларға қосымша екпе салу жұмыстарын бастаған.

  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

    Сәния Тойкен 2017 жылы журналист әйелдердің халықаралық қоры (IWMF) тағайындаған "Журналистикадағы батылдығы үшін" сыйлығын иеленді. Ол - бұл беделді сыйлықты алған алғашқы қазақстандық журналист.

XS
SM
MD
LG