Accessibility links

Жаңаөзенде тағы үш бала екпеден соң ауруханаға түсті


Көрнекі сурет.

Маңғыстау облысында қызылшаға қарсы екпеден кейін сәйсенбі күні кешке Ақтаудағы облыстық ауруханаға Жаңаөзеннен тікұшақпен тағы 3 мектеп оқушысы жеткізілген. Маңғыстау облыстық ауруханасы бас дәрігерінің емдеу ісі жөніндегі орынбасары Маржан Нұрланованың айтуынша, оның біреуі жансақтау бөліміне, екеуі неврология бөліміне жатқызылған.

Нұрланова Азаттық тілшісіне олардың хал-жағдайы туралы егжей-тегжейлі ақпаратты телефон арқылы беруден бас тартты.

Денсаулық сақтау басқармасының мәлімдеуінше, Маңғыстау облысында қызылшаға қарсы екпе салу басталған ақпанның 16-сынан бері 14 мыңнан аса бала егілген. Оның 2333-і - жаңазендік оқушылар.

Бұған дейін облыстық денсаулық сақтау басқармасы бастығының орынбасары Алмабек Бисенов қызылшаға қарсы екпеден кейін Жаңаөзенде 53, Бейнеуде 6 оқушы ауруханаға түскенін хабарлаған.

Облыстық ауруханада қазір 24 бала жатыр, оның 6 жансақтау бөлімінде. Дәрігерлер олардың жағдайы тұрақты дейді.

  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

    Сәния Тойкен 2017 жылы журналист әйелдердің халықаралық қоры (IWMF) тағайындаған "Журналистикадағы батылдығы үшін" сыйлығын иеленді. Ол - бұл беделді сыйлықты алған алғашқы қазақстандық журналист.

XS
SM
MD
LG