Ресейшіл сепаратистер бүгін таңертең бақылауындағы Донецк қаласына жақын шағын Макеевка қаласынан "Град" әскери артиллериялық кешендерін майдан шебінен кейін әкетті.
Сепаратистердің Reuters агенттігіне айтуынша, олар ауыр қару-жарақтарын осы айдың басындағы Минск келісімінде белгіленген әскери іс-қимылдар аймағы сызығынан 15 шақырым әрірекке жылжытқан.
12 ақпанда Минскіде жасалған келісім бойынша әуелі екі тарап атысты тоқтатып, сосын әскери іс-қимылдар жүріп жатқан аймақтан ауыр қару-жарақтарын, оның ішінде артиллериялық атыс кешендерін әкетуі тиіс болған.
