Түркия билігі Тәжікстанның «24 тобы» (Group24) оппозициялық ұйымының жетекшісі, қуғындағы кәсіпкер Умарали Куватовтың Стамбулдың Фатих ауданында қастандықтан қаза тапқанын хабарлады.
Кубатовтың серіктерінің бірі Шарофиддин Гадоевтің Азаттықтың Тәжік қызметіне хабарлауынша, белгісіз адам Куватовты басынан атқан. Оппозициялық саясаткер оқиға орнында көз жұмған.
Түркиялық habarler.com порталының хабарлауынша, 47 жастағы Куватовты 5 наурыз күні жергілікті уақыт бойынша 22.30-да танысымен бірге жүрген жерінен белгісіз біреу келіп атып, оқиға орнынан бой тасалап үлгерген.
Қазір саясаткердің өлімін Стамбул полициясының терроризммен күрес бөлімі тексеріп жатыр.
