Дүниежүзілік денсаулық сақтау ұйымы (ДСҰ) Эбола вирусынан қаза тапқан адамдар саны 10 мыңнан асқанын хабарлады.
Батыс Африкадағы індеттің негізгі ошақтары - Сьерра-Леоне, Гвинея мен Либерияда Эбола тарала бастаған бір жылдан астам уақыт ішінде 10 мың 4 адам қаза тапқан. Індеттен Малиде - алты адам, АҚШ-та - бір адам, Нигерияда сегіз адам көз жұмған. ДСҰ дерегінше, Батыс Африкада екпе уақтылы жасалмағандықтан, енді қызылша ауруы таралу қаупі бар.
