Accessibility links

Ерте сайлауға 9,45 миллион бюллетень дайындалмақ


Орталық сайлау комиссиясының баспасөз орталығы, Астана. 12 наурыз 2015 жыл.
Орталық сайлау комиссиясының баспасөз орталығы, Астана. 12 наурыз 2015 жыл.

Орталық сайлау комиссиясы (ОСК) бүгін Қазақстан президентінің кезектен тыс сайлауындағы дауыс беру бюллетені мәтінін бекітті.

«Сайлау бюллетендерінің саны, сайлаушылар тізімдеріне енгізілген сайлаушылардың жалпы санының бір пайызын қоса 9 451 057 дананы құрайды» делінген ресми ақпаратта.

ОСК-ның хабарлауынша, сайлау бюллетендері облыстық, Астана және Алматы қалалық сайлау комиссияларына 2015 жылғы сәуірдің 20-сына дейін жеткізіледі.

ОСК президент сайлауына кандидат ретінде үш үміткерді – биліктегі «Нұр Отан» партиясы ұсынған президент Нұрсұлтан Назарбаев, Қазақстан коммунистік халықтық партиясынан Тұрғын Сыздықов және өзін-өзі ұсынған Қазақстан кәсіподақтары федерациясының төрағасы Әбілғазы Құсайыновты тіркеген.

Кандидаттардың бүгін басталған сайлауалды үгіт-насихат науқаны сайлауға тура бір күн қалғанда тоқтатылады.

Қазақстанда кезектен тыс президент сайлауы сәуірдің 26-сына белгіленген.

XS
SM
MD
LG