Орталық сайлау комиссиясы (ОСК) шетелдер мен халықаралық ұйымдардың тағы 153 өкілін кезектен тыс президент сайлауына бақылаушы етіп тіркеді.
Тіркелгендердің көпшілігі, 144 бақылаушы - ТМД елдерінен. Сайлауға Шанхай ынтымақтастық ұйымынан (ШЫҰ) - бес адам, Грекиядан - үш адам, Германиядан бір адам бақылау жасайды.
ОСК 30 наурызға дейін ЕҚЫҰ, ТМД мен ШЫҰ-ның және 19 шет мемлекеттің 236 бақылаушысын тіркеген.
Президент сайлауына шетелдік және халықаралық бақылаушыларды тіркеу 20 сәуірде аяқталады.
Қазақстанда кезектен тыс президент сайлауы 26 сәуірде өтеді.