Accessibility links

Боксшы Флойд Мэйвезер Мэнни Пакьяоны жеңді


АҚШ боксшысы Флойд Мэйвезер мен филлипиндік Мэнни Пакьяо арасындағы жекпе-жектің жарнамасы. Пакьяо. (Флойд Мэйвезердің Facebook-тегі парақшасындағы сурет.)
АҚШ боксшысы Флойд Мэйвезер мен филлипиндік Мэнни Пакьяо арасындағы жекпе-жектің жарнамасы. Пакьяо. (Флойд Мэйвезердің Facebook-тегі парақшасындағы сурет.)

АҚШ-тың Лас-Вегас қаласында мамырдың 2-і күні кешке (Астана уақытымен 3 мамыр таңертең) өткен кәсіпқой бокс жекпе-жегінде АҚШ спортшысы Флойд Мэйвезер филлипиндік Мэнни Пакьяодан күш асырды.

Бокс жанкүйерлері асыға күткен бұл жекпе-жекте бәсекелестер 12 раунд бойы бір-бірімен күш сынасты. Сайыс біткен соң төрешілердің ұйғарымы бойынша, Флойд Мэйвезер жеңімпаз деп танылды.

Бұл сайыстың сыйлық көлемін Біріккен Араб Әмірліктеріндегі инвестициялық топ еселеген соң, жүлде қоры бұрын-соңды болмаған мөлшерге – 120 миллион АҚШ долларына жеткені хабарланған.

Флойд Мэйвезер осыған дейін кәсіпқой рингте өткізген 47 жекпе-жектің барлығында жеңіске жеткен. Ал Мэнни Пакьяо 64 рет кездесу өткізіп, оның 57-сінде бәсекелесінен басым түскен. Екі рет жеңіліп, үш кездесуді тең аяқтаған.

  • 16x9 Image

    Қазис ТОҒЫЗБАЕВ

    Қазис Тоғызбаев 2008 жылғы қыркүйектен бастап өмірінің соңына, яғни 2021 жылғы 28 ақпанға дейін Азаттықтың Алматыдағы тілшісі ретінде еңбек етті. Азаттыққа дейін оппозициялық "Сөз" және "Азат" газеттерінде, kub.info сайтында тілші болған.

XS
SM
MD
LG