Үш қарғып секіруден Лондон олимпиадасының чемпионы Ольга Рыпакова Қытайдың Шанхай қаласында өткен Diamond Leauge (Бриллиант лигасы) жарысының екінші кезеңінде қола медаль алды.
Шанхайда өткен жарыста Рыпакова 14,38 метрге секірді. Алтынды колумбиялық Катерин Иваргуен (14,85), күмісті украиналық Ольга Саладухаға (14,62) иеленді.
Осы жетістігінен кейін Рыпакова 2016 жылы Рио-де-Жанейрода өтетін олимпиадаға жолдама алды. Бұл Қазақстан спортшысының карьерасындағы үшінші олимпиада болмақ. Рыпакова осыған дейін Пекин және Лондон олимпиадаларына қатысқан. 2012 жылы Лондон олимпиадасында ол 14,98 метрге секіріп, чемпион атанған.
