Шымкент түбінде болған жол апатынан қаза тапқандар саны 13 адамға жетті.
16 маусымда күндіз Шымкент-Алматы жолының "Боз Арық" айналма жолында "Mercedes Sprinter" шағын автобусы мен "Howo" жүк көлігі соқтығысқан.
Оңтүстік Қазақстан облыстық ішкі істер департаментінің ақпаратына қарағанда, 9 адам оқиға орнында мерт болған. Олардың арасында бір бала мен Өзбекстан азаматы бар. Қалған жетеуі - әйелдер. Ауыр жараланған төрт адам кейін ауруханада көз жұмған. Он бір адам, оның ішінде үш бала ауруханаға түскен.
Полицияның алдын-ала мәліметі бойынша, жол апаты шағын автобус жүргізушісінің кінәсінен болған.
