Екі қазақстандық төрешілер командасы Еуропа лигасы іріктеуінің матчтарында төрелік етеді.
ҚФФ ресми сайтының мәлімдеуінше, петропавлдық Александр Гаузер "Шахтер" (Солигорск, Беларусь) - "Гленавон" (Солтүстік Ирландия) матчында бас төреші болады.
Ал алматылық Александр Алиев Бакуде өтетін "Интер" (Әзербайжан) - "Лячи" (Албания) арасындағы матчқа бас төреші болып тағайындалған.
Екі төрешінің көмекшілері де Қазақстаннан шақыртылған.
Екі кездесу де 9 шілде күні өтеді.