Accessibility links

Алматы-Қапшағай пойызы тоқтап қалды


Көрнекі сурет.

Алматыдан Қапшағайға қатынайтын пойыз қызметін тоқтатты деп хабарлады бүгін "Тұран Экспресс" компаниясына сілтеме жасаған ҚазАқпарат агенттігі.

Компания бас экономисі Санжан Қаңлыбаевтың айтуынша, пойыздың тоқтауына тасымалдың өз-өзін ақтамауы себеп болған. Ол компания жаз мезгілінде Алматы-Қапшағай бағытында пойыз жүргізу тиімді болады деп есептегенін, бірақ қанша жарнама жасалғанына қарамастан жолаушылардың пойызбен көп жүрмегенін айтады.

Алматы-Қапшағай бағытындағы пойыз биыл маусым айында ғана жүре бастаған. Бес вагон тіркеген пойыз екі аралықты бір жарым сағатай уақыт жүрген. Пойыз күніне екі рет - таңертең және кешке жүрген.

XS
SM
MD
LG