Пентагонның хабарлауынша, Америка әскери мамандары әзірліктен өткізген мыңға жуық Ирак әскері Рамади қаласын "Ислам мемлекеті" (ИМ) экстремистік тобынан босату операциясына қатысып жатыр.
Пентагон полковнигі Стив Уорреннің мәлімдеуінше, АҚШ коалициясы мен бірге Ирак әскері Рамади қаласына жақындаған.
Бұл операцияға бес жүзге жуық жергілікті сунниттерден құрылған ерікті де қатысып отыр.
Ирактың Рамади қаласы үшін ИМ және Ирак әскері арасында жарты жылға жуық соғыс жүріп жатыр.
