Қазақстанда шілденің соңғы күні мен тамыздың басында күн қайта ысып, кей облыстарда ауа температурасы +38-42 градусқа дейін жетеді деп хабарлады бүгін "Қазгидромет" республикалық мекемесі.
Шілденің 30, 31-і және тамыздың 1-іне жасаған болжамында "Қазгидромет" "Батыс Сібір аймағынан келетін суық ауа ағындарынан Қазақстанның солтүстік, шығыс және оңтүстік-шығыс аймақтарында күн сәл салқындап, аз ғана жауын жауады. Одан кейінгі екі күнде антициклон республиканың барлық аумағына тарап, ауа температурасы +30-37 градусқа, батыс, орталық және оңтүстігінде +38-42 градусқа дейін жетеді" делінген.
