Мексика астанасында белгісіз біреулер фотожурналист Рубен Эспиносаны өлтіріп кеткен. Журналистпен бірге тағы төрт адамның жансыз денелері пәтерден табылған деп хабарлайды ВВС.
Proceso басылымында жұмыс істеген Эспиноса Мехико қаласына жақында келген. Ол бұған дейін өзі тұрған Веракрус штатында өміріне қауіп төнгенін айтып жүрген.
Құқыққорғаушылар бұл Мексикада ел астанасына жасырынған журналисті өлтіріп кеткен алғашқы оқиға болып отырғанын айтады.
