Теннистен Қазақстанның бірінші ракеткасы Зарина Дияс Торонтода (Канада) басталған Rogers Cup жарысынан бірінші айналымда шығып қалды.
Ол бірінші айналымда германиялық Юлия Гергестен 2:6, 6:1 және 5:7 есебімен ұтылды.
Зарина Дияс әлемдік рейтингте 34-орында, Гергес – 60-орында тұр. Екі теннисші бұған дейін кездеспеген.
Торонтодағы жарыстың бірінші айналымында Дияс ресейлік әлемнің 32-ракеткасы Анастасия Павлюченкомен кездесуі керек еді. Бірақ ресейлік спортшы жарақатына байланысты бұл жарыстан бас тартқан.
